Por E.P. | SANTIAGO DE COMPOSTELA | 18/11/2020 | Actualizada ás 14:19
O sindicato CIG acusou á dirección de Navantia na ría de Ferrol de non "facer un proceso transparente e en igualdade de oportunidades" con respecto ao proceso de incorporación de novos traballadores, ademais de reprochar tamén ás organizacións CC.OO. e MAIS "sindicalismo clientelista" a cambio de "favores para os negociadores".
"Somos incapaces de finalizar a convocatoria de prazas correspondente ao ano 2019", incide nun comunicado no que tamén advirte que "non hai un dos grupos de prazas que estea exento de polémica", pondo como exemplos "bases que só xeran problemas, probas eliminatorias telefónicas e ata unha ameaza de dimisión entre as dúas vocalías propostas pola parte social".
Desde a sección sindical da CIG en Navantia Ferrol acúsase a outros sindicatos, CC.OO. e MAIS, de manter "un modelo sindical errado, que desaproveita case que a metade da forza do comité a cambio de favores para os negociadores, sindicalismo clientelista chamouse toda a vida".
En canto a outro sindicato, UGT, esgrime que "pouca culpa ten pois nin está nin se lle espera". "Aceptan todo o que se fai e non protestan por nada", sentenciaron
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.