Por Europa Press / Redacción | SANTIAGO DE COMPOSTELA | 20/11/2020 | Actualizada ás 10:15
Unha muller resultou ferida este xoves ao ser atacada por dous cans nas proximidades da praia de Lourido, no municipio pontevedrés de Poio.
Esta muller, de 45 anos, necesitou ser trasladada a un centro de Atención Primaria de Pontevedra por unha ambulancia para que lle tratasen as feridas no brazo, tal e como indican a Europa Press fontes do 061.
Ademais, segundo confirman fontes da Garda Civil, os dous cans implicados no ataque non constaban nos rexistros como de raza perigosa e, por agora, a vítima non presentou denuncia.
Segundo informa o 112, ocorreu pola noite e foi unha persoa particular quen contactou co 112 Galicia para alertar dos feitos. Ao parecer, os dous animais estaban soltos polo areal e atacaron tanto a esta muller como ao seu can.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.