Morren outras 13 persoas, oito delas usuarias de residencias
Nos últimos tres días faleceron 40 persoas.
Por Europa Press / Redacción | SANTIAGO DE COMPOSTELA | 20/11/2020 | Actualizada ás 21:34
As autoridades sanitarias galegas notificaron este venres o falecemento doutras 13 persoas diagnosticadas con covid-19, o que eleva a 1.132 o total de vítimas mortais por mor de pandemia na Comunidade.
Das 13 persoas cuxa morte comunica Sanidade, oito procedían de centros xeriátricos --tres faleceron nas residencias nas que vivían e outro cinco foran trasladados a hospitais--. Nas propias residencias faleceron unha muller de 100 anos, que vivía na de San Cibrao de Cervo (Lugo); e outras dúas anciás, de 86 e 92 anos, que vivían na Residencia Irmáns Prieto do Carballiño e na Residencia de Salvaterra do Miño.
Así mesmo, notificouse a morte dunha muller de 72 anos no Hospital do Barco de Valdeorras que procedía da Residencia de Viana do Bolo; dun home de 85 anos no Complexo Hospitalario Universitario de Ourense (CHUO) que vivía na Residencia Nosa Señora dos Milagres de Barbadás; e dun home de 86 no Hospital do Salnés que era usuario da Residencia Valvanera de Cambados.
Así mesmo, no Hospital da Mariña faleceu un home de 93 anos que vivía na Residencia San Cibrao de Cervo; e no Complexo Hospitalario Universitario de Vigo (Chuvi) perdeu a vida unha anciá de 87 anos procedente da Residencia O Doral de Mos.
OUTRO CATRO FALECEMENTOS EN HOSPITAIS
Así mesmo, Sanidade notificou o falecemento dun home de 77 anos no Complexo Hospitalario Universitario de Pontevedra. No Complexo Hospitalario Universitario de Vigo (Chuvi) faleceron unha muller de 95 anos e un home de 64. Así mesmo, no Complexo Hospitalario Universitario da Coruña (Chuac) súmanse dúas mortes: a dun home de 79 anos e unha muller de 77.
