Galicia suma outros cinco falecidos pola pandemia na última xornada

As vítimas totais desde o inicio da pandemia ascenden a 1.138.

Por Europa Press / Redacción | SANTIAGO DE COMPOSTELA | 21/11/2020 | Actualizada ás 22:10

Comparte esta noticia

A Consellería de Sanidade comunicou na noite deste sábado o falecemento de cinco persoas diagnosticadas con covid-19, que elevan as vítimas totais desde o inicio da pandemia a 1.138.

Os últimos decesos rexistrados corresponden a tres homes e dúas mulleres, todos eles maiores de 80 anos e que presentaban pataloxías previas.

Dúas das vítimas perderon a vida en Complexo Hospitalario Universitario de Ferrol (CHUF). Trátase de dous homes de 85 e 90 anos, respectivamente.

Tamén se produciron dous decesos nas últimas horas no Complexo Hospitalario Universitario de Ourense, onde faleceron un home de 84 anos e unha muller de 86 anos. Esta última procedía da residencia Nosa Señora dos Anxos de Ribadavia.

Por último, Sanidade notificou a morte dunha muller de 87 anos que se atopaba ingresada no Clínico de Santiago.

Un traballador sanitario totalmente protexido traslada unha padiola nas inmediacións da residencia de anciáns de San Cibrao onde se orixinou un brote de Covid-19, en San Cibrao, Lugo, Galicia, (España), a 9 de novembro de 2020. No centro a. Carlos Castro - Europa Press
Un traballador sanitario totalmente protexido traslada unha padiola nas inmediacións da residencia de anciáns de San Cibrao onde se orixinou un brote de Covid-19, en San Cibrao, Lugo, Galicia, (España), a 9 de novembro de 2020. No centro a. Carlos Castro - Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta