Rescatan unha muller que caeu nunha zona rochosa mentres pescaba en Rianxo

Os servizos de emerxencias rescataron unha muller que caeu nunha zona rochosa mentres pescaba nas proximidades da praia de Tanxil, no municipio coruñés de Rianxo.

Segundo informa o CIAE 112 Galicia, o incidente tivo lugar ao redor das 17,20 horas deste domingo. Ata o lugar desprazáronse os efectivos de emerxencia para liberar á muller das pedras. A vítima foi evacuada en ambulancia a un centro médico para recibir atención sanitaria.

Servizo de emerxencias 112