Por Galicia Confidencial | SANTIAGO DE COMPOSTELA | 30/11/2020 | Actualizada ás 20:39
Galicia alcanzou xa os 1.211 falecementos desde o inicio da pandemia por covid-19, despois de que nesta xornada a Consellería de Sanidade notificase seis mortes máis por mor desta enfermidade.
Dúas persoas morreron na Coruña e outras dúas en Vigo. Así, no Complexo Hospitalario da Coruña (CHUAC) faleceu un home de de 79 anos e outro de 86 anos no hospital HM-Modelo-Belén da mesma cidade. En Vigo, tamén morreron un home de 56 anos e outra muller de 96 no Complexo Hospitalario de Vigo (CHUVI). Finalmente, outro home de 87 anos faleceu no Complexo Hospitalario de Ourense (CHUO).
Tamén tivo lugar a morte doutro home de 92 anos no Hospital da Mariña. Procedía da residencia San Cibrao de Cervo. O Sergas tamén confirma que a muller de 92 anos que faleceu no Hospital da Mariña e da que deron conta o sábado, procedía da Residencia San Cibrao de Cervo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.