Por E.P. | SANTIAGO DE COMPOSTELA | 03/12/2020 | Actualizada ás 14:03
O Ministerio para a Transición Ecolóxica e o Reto Demográfico destinará 20,4 millóns de euros para apoiar proxectos de enerxías renovables en Galicia, segundo informa a Delegación do Goberno. Este importe será dedicado a subvencións que xa se atopan abertas e que financiarán proxectos que empreguen renovables para a produción de enerxía eléctrica e térmica.
As subvencións dividiranse en dúas convocatorias, que están xestionadas a través do Instituto para a Diversificación e Aforro da Enerxía (IDAE), dependente do Ministerio de Transición Ecolóxica e xa están publicadas no Boletín Oficial do Estado (BOE).
Segundo as estimacións iniciais, estas partidas mobilizarán un investimento persoal adicional "de polo menos 48,11 millóns de euros, o que suporá, por unha banda, un impulso para a reactivación económica e a xeración de emprego local" e, por outro lado, "contribuirán á diversificación das fontes de enerxía primaria e á redución da dependencia enerxética", sinala o delegado do Goberno, Javier Losada. Ademais sostén que permitirán eliminar 50.377 toneladas equivalentes de CO2 ao ano.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.