Por E.P. | PONTEVEDRA | 03/12/2020 | Actualizada ás 17:37
Axentes da Policía Nacional da Comisaría de Pontevedra investigan dúas supostas estafas cometidas por un falso técnico dunha compañía de subministración de gas, que cobrou a dous veciños da área pontevedresa máis de 600 euros por unhas supostas revisións e cambios nas súas instalacións.
Segundo informaron fontes policiais, as vítimas recibiron unha chamada nos seus domicilios (en zonas rurais) na que se lles advertía de que debían levar cabo unha revisión da instalación do gas, e que un técnico pasaría polas súas casas.
Nun dos casos, o falso revisor, un home novo duns 30 anos e que levaba roupa de traballo negra, solicitou o pago de 357,77 euros polo suposto cambio de tres válvulas que estaban "defectuosas".
No segundo caso, reclamou o pago de 297,27 euros por un suposto cambio de válvulas na caldeira para "evitar un exceso de presión".
Por mor destas denuncias, a Policía abriu unha investigación para tratar de pescudar a identidade do falso técnico, e tras constatar, en contacto coa empresa subministradora, que non enviaran a ningún dos seus traballadores a estes domicilios.
A Policía fixo un chamamento a extremar as precaucións ante este tipo de estafas, e lembrou que os falsos técnicos adoitan elixir como vítimas a persoas maiores, que viven soas e en contornas rurais.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.