Piden catro anos de cárcere para un home por abusar dunha menor en Ourense coa que coincidía na igrexa

Piden para el catro anos de cárcere.

Por Europa Press / Redacción | Ourense | 05/12/2020 | Actualizada ás 11:09

Comparte esta noticia

A sección segunda da Audiencia Provincial de Ourense xulga este mércores, 9 de decembro, a un home para o que se pide catro anos de cárcere por abuso sexual a unha menor. Segundo o escrito de acusación, o individuo aproveitou a súa amizade coa familia da nena, coa que coincidía na igrexa, para cometer os abusos.

Xulgado
Xulgado | Fonte: Europa Press.

A menor pasaba con frecuencia polas inmediacións da cafetaría na que traballaba o acusado, un establecemento ourensán situado próximo ao colexio da nena.

O fiscal asegura que o home conseguiu a partir do mes de xaneiro de 2017, "prevaléndose da súa idade e ascendencia sobre a citada menor ao ser amigo da súa familia e coincidir na igrexa", que esta entrase na cafetaría en diversas ocasións e "se sometese a realizar actos de índole sexual con el, tales como bicos e tocamentos".

"Igualmente, o acusado mantivo unha relación de índole sexual coa menor a través de mensaxes telefónicas e chamadas", asegura a acusación. Solicitáballe fotos íntimas, mentres el enviaba imaxes dos seus xenitais.

Esta suposta relación de abuso prolongouse ata o mes de xuño de 2018. Tamén se pide que non se achegue a menos de 200 metros da vítima e a prohibición de comunicarse con ela durante seis anos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta