Ana Miranda levará a Europa a repotenciación do parque eólico de Corme

A eurodeputada do BNG Ana Miranda levará ao Parlamento europeo a situación do parque eólico Salgueiras e a repotenciación do parque eólico de Corme.

Tras unha xuntanza que mantivo Miranda, xunto co deputado Luís Bará, a petición da Rede Galega por un Rural Vivo, abordouse a complexa situación deste proxecto e a súa afectación aos veciños. Así, desde esta entidade, segundo informaron a Galicia Confidencial, deixouse claro a importancia do monte Salgueiras coma un legado cultural e paisaxístico. Analizouse o forte impacto que esta soportando as aldeas do país coa implantación masiva de parques eólicos.

Os representantes da Rede Galega por un Rural  Vivo e veciñas e veciños trasladáronlle aos representantes políticos do BNG a falta de participación no proceso eólico,o abusivos que son os proxectos eólicos e o desamparo da veciñanza ante as institucions públicas, concellos e Xunta.