A Garda Civil auxilian a usuarios dunha residencia de anciáns atrapados pola neve en Rodeiro
Por E.P. | PONTEVEDRA | 07/12/2020 | Actualizada ás 17:45
A Garda Civil auxiliou a unha octoxenaria e un sexagenario que quedaron atrapados pola neve en Rodeiro mentres viaxaban nunha furgoneta.
Fontes da Benemérita indicaron que os feitos tiveron lugar sobre as 19,45 horas deste venres no punto quilométrico 1,200 da estrada EP-6203 ao seu paso polo termo municipal de Rodeiro, onde se trasladaba a dous usuarios da residencia de maiores de Lalín con mobilidade reducida aos seus domilicios.
A furgoneta na que viaxaban quedou atrapada na neve nun tramo curvo ascendente, polo que o condutor contactou co 112 e unha patrulla da Garda Civil de Tráfico trasladouse á zona. Deste xeito, os axentes auxiliaron ás dúas persoas ás que se trasladaba, unha octoxenaria e un home de 67 anos, e axudáronos a saír da furgoneta.
Ademais, leváronos no seu vehículo aos seus domicilios, situados en Adelan (Rodeiro) e Bandeira (Silleda), respectivamente. Tamén facilitaron os medios necesarios para retirar o vehículo da vía.
