Por E.P. | SANTIAGO DE COMPOSTELA | 09/12/2020 | Actualizada ás 19:10
O acusado de abusar sexualmente dunha menor coa que coincidía na Igrexa negou os feitos e atribuíu a situación como "froito dunha broma" que se foi "das mans".
Os sucesos remóntanse a xaneiro do 2017. O acusado, valéndose da súa condición e amigo da familia da menor e tras coincidir con eles na Igrexa, logra que esta acceda a acudir en diversas ocasións á cafetaría onde traballa, un establecemento situado próximo ao colexio.
Alí, segundo o relato do escrito fiscal, o home consegue "sometela a realizar actos de índole sexual", como "bicos e tocamentos". Esta relación mantívose tamén "a través de mensaxes telefónicas e chamadas", nas que solicitaba fotografías de "natureza sexual" á vez que el enviaba as súas propias imaxes espido.
Esta situación prolongouse no tempo ata o mes de xuño de 2018, engade o documento. Por todo iso, o Ministerio Público pediu para o acusado 4 anos de prisión, inhabilitación para o dereito de sufraxio pasivo polo mesmo tempo e o afastamento a un mínimo de 200 metros da menor, así como a prohibición de comunicarse con ela durante 6 anos.
O acusado insistiu en que os feitos "son falsos" e que "todo foi unha broma que se foi das mans". Con esa declaración a defensa apelou a que se trata dunha acusación "moi vaga" e "pouco consistente".
O avogado sostivo que "non hai fundamento probatorio que refute os feitos". "Empezou como unha broma e tróuxonos aquí", asegurou, posto que "nin sequera hai probas de nada".
Por iso solicitou a libre absolución para o seu patrocinado e o caso quedou visto para sentenza.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.