O PP utilizará á Xunta para loitar contra a 'Lei Celaá'
García Egea recalca que a recollida de firmas ou as protestas na rúa evidencian que o PP é a "única oposición a esta lei".
Por Europa Press / Redacción | MADRID | 09/12/2020 | Actualizada ás 19:49
O secretario xeral do Partido Popular, Teodoro García Egea, reuniu este mércores aos conselleiros de Educación das comunidades gobernadas polo PP para coordinar accións conxuntas contra a reforma educativa promovida polo Goberno, bautizada como 'Lei Celaá'. Deste xeito, utilizará á Xunta de Galicia, para, segundo dixo "salvagadar a liberdade educativa".
O propio líder do PP, Pablo Casado, xa avanzou a finais de novembro que as súas autonomías lexislarán vía decreto para evitar que a Lei Celáa "socave a liberdade das familias" e para "pór a salvo a liberdade educativa". "O Estado autonómico é para estas situacións", avisou entón.
Durante ese encontro telemático, García Egea repasou as iniciativas levadas a cabo en contra desta lei, como a recollida de firmas ou as protestas na rúa --sumándose á plataforma 'Más Plurales'--, e dixo que esas accións contribuíron a xerar unha conciencia social na cidadanía.
Neste sentido, o 'número dous' dos populares resaltou que esas actuacións pon de manifesto que o PP, xunto coas plataformas educativas, "foi e é a única oposición a esta lei". Só na Comunidade de Madrid, o partido xa recolleu máis de 55.000 firmas.
