Tres escolas infantís pechadas pola COVID e corenta aulas en centros galegos
Os centros, institutos e gardarías galegas rexistran a día de hoxe un total de 872 positivos, segundo os datos facilitados polas autoridades sanitarias e educativas.
Por Europa Press / Redacción | SANTIAGO DE COMPOSTELA | 10/12/2020 | Actualizada ás 14:42
A incidencia da COVID-19 nos centros galegos segue en descenso, aínda que a pandemia mantén pechadas tres escolas infantís e corenta aulas toda a comunidade autónoma
Os centros, institutos e gardarías galegas rexistran a día de hoxe un total de 872 positivos, segundo os datos facilitados polas autoridades sanitarias e educativas, o que supón unha diferenza de case 60 contaxios menos respecto das cifras dadas a coñecer este último sábado.
Esta evolución permitiu reabrir instalacións que permanecían pechadas, como a escola infantil municipal do Saviñao e a Barcala de Cambre. Seguen clausuradas as gardarías Chiquis de Pontevedra e Cáritas Tui-Vigo, esta última da cidade olívica.
Así mesmo, tivo que pechar as súas portas a escola infantil Ludy, situada na cidade de Ferrol, que conta tan só con dous positivos nas súas instalacións.
A este tres gardarías que permanecen clausuradas hai que sumarlle outro catro decenas de unidades en centros públicos e privados que tiveron que pechar debido aos casos rexistrados nestas instalacións.
O brote máis importante sitúase no centro privado plurilingüe A Grande Obra de Atocha que conta con 22 positivos e polo menos dúas aulas clausuradas debido aos contaxios no inmoble.
Tamén na área sanitaria da Coruña destaca o IES plurilingüe Pedra da Aguia, do municipio de Camariñas, que rexistra 18 positivos e catro unidades clausuradas.
A pesar diso, os centros da área de Vigo son os que contan con máis positivos detectados, cun total de 202 casos, oito aulas pechadas e unha escola infantil clausurada.
A esta área séguelle a da Coruña, con 191 positivos e 13 aulas pechadas, e a de Santiago, que presenta 135 contagios e 10 unidades clausuradas debido á pandemia.
RESTO DE ÁREAS
A área de Pontevedra, pola súa banda, mantense en niveis similares con 124 positivos, que obrigan a manter pechadas tres aulas e unha escola infantil.
Lugo conta, ademais cun centenar de positivos e dúas unidades pechadas, mentres que Ferrol rexistra 78 contagios, dúas aulas pechadas e unha escola infantil.
Nesta última área sanitaria, destaca o CEIP Plurilingüe A Magdalena, das Pontes de García Rodríguez, que presenta 11 positivos e unha aula clausurada. Pecha a listaxe a zona de influencia de Ourense, con 42 casos e dúas unidades pechadas.
