Galicia é a terceira comunidade con menor endebedamento, segundo a Consellería de Facenda

A Consellería de Facenda destaca que Galicia amplía ata 7,3 puntos o diferencial de débeda coa media autonómica e resalta que este é "o máximo histórico", ao confrontar o 19% do PIB que supón na comunidade galega co 26,3% do conxunto das comunidades.

Os datos do Banco de España, segundo a consellería, volven situar á comunidade como a terceira de réxime común con menor endebedamento.

Ademais, sinala que "ratifican que é a comunidade con menor aumento de volume de débeda desde o ano 2008, exercicio en que comezou a tendencia ascendente na evolución do endebedamento no conxunto das administracións públicas de España".

O conselleiro de Facenda, Valeriano Martínez, presenta no Parlamento os orzamentos da Xunta para 2020. XUNTA