O alcalde de Teo noutro proceso xudicial por opoñerse á megamina de Casalonga

A denuncia é da mineira Toysal que tamén denuncia á edil de Urbanismo e ao arquitecto muinicipal por "coaccións, prevaricación, malversación de fondos públicos e falsidade documental". A mineira utiliza un informe da Xunta para fortalecer o seu argumentario.

Por E.P. | Teo | 14/12/2020 | Actualizada ás 11:29

Comparte esta noticia

O Xulgado de Instrución número un de Santiago acaba de admitir a trámite unha querela contra o alcalde de Teo, Rafael Sisto, de Anova; a concelleira de Urbanismo, Uxía Lemus, e o arquitecto municipal, Ignacio Soto, polos presuntos delitos de coaccións, prevaricación, malversación de fondos públicos e falsidade documental en relación coa súa actuación fronte á canteira de Casalonga propiedade de Toysal.

Planta de residuos de Toysal á marxe do LIC do Río Mera nunha imaxe da súa autorización ambiental /http:/de 2010/www.cmati.xunta.es
Planta de residuos de Toysal á marxe do LIC do Río Mera nunha imaxe da súa autorización ambiental /http:/de 2010/www.cmati.xunta.es

Na querela, a empresa defende que no seu "lexítimo obxectivo" de reactivar a explotación mineira atopouse unha oposición total e frontal por parte do concello e os agora querelados, que “non dubidaron en absoluto en utilizar todos os medios, legais e ilegais, para impedilo”. Toysal denuncia que entre "as actuacións ilícitas" atribuíronse a propiedade dun camiño privado sen título algún e "colocación arbitraria, sen fundamento nin expediente administrativo", de sinais de tráfico nunha finca particular para impedir o paso de maquinaria pesada.

Ademais, a empresa tamén denuncia que o concello investiu fondos públicos nesa parcela privada "sabendo que non era unha vía municipal, para facilitar así o transito dos opositores á canteira" e ordenou á Policía Local que multe, "fóra das súas competencias e ámbito territorial, a calquera vehículo da explotación". Finalmente, o escrito recolle que "impediu pola forza a Toysal a colocación dunha barreira na súa propiedade".

O CONCELLO "MANDA AOS AXENTES A MULTAR"

No relatorio de feitos sinálase que cada vez que un vehículo accede á explotación, membros da plataforma veciñal avisan ao alcalde e á concelleira, que mandan inmediatamente axentes municipais a multar ou a impedir fisicamente o movemento de maquinaria baixo ameaza

de inmobilización ou precinto.

 

 A empresa insiste en que a Policía Local "só ten competencias para actuar no solo urbano", lonxe da zona onde se atopa a canteira, “co que resulta especialmente grave a orde, pois para lograr un fins políticos estase abocando aos axentes a cometer delitos de prevaricación”. Por iso, tamén a súa querela fai unha sucinta exposición da historia da canteira e da súa vía de acceso, e inclúe distinta documentación sobre a titularidade privada desta finca, incluso un apunte de hai algúns anos, de 2009, no que o propio xefe da Policía Local de Teo negábase a realizar roldas de vixilancia por esta pista por tratarse dun espazo particular.

Ademais, denuncia que “aínda sabendo os querelados que se trataba dunha estrada que non era municipal”, o concello destinou cuantiosos fondos públicos ao seu arranxo para que puideran "pasar con comodidade os coches dos integrantes da plataforma veciñal creada para frear os proxectos de Toysal".

A mineira tamén utiliza para as súas fundamentacións un escrito da Xunta de Galicia --que non se opón a actividade da mineira-- para contrarrestar o informe do arquitecto municipal contrario as actividaes de Toysa. "Sobre a escusa fabricada polo arquitecto municipal de que o camiño pasou a titularidade do Concello no proceso de concentración parcelaria desta zona, Toysal menciona a aclaración solicitada ao respecto á Consellería de Medio Rural hai  proximadamente un ano que di que os camiños e estradas existentes antes do proceso de concentración seguen sendo dos antigos propietarios”, recolle o escrito.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 miñoca

Haberá que estudiar os antecedentes das canteiras de Carballal e de TOYSAL unha empresa que presentou alegacións cando lle foi concedida a Autorización Ambiental Integrada a TEN (Tratamientos Ecologicos del Noroeste) A querela como caseque todas son admitidas a trámite e agardemos e desexemos que o Xulgado de Instrucción de Santiago a arquive