Por Galicia Confidencial | Viana do Bolo | 14/12/2020 | Actualizada ás 14:40
O Concello de Viana do Bolo acaba de cesar ao 2º tenente alcalde, Santiago Barja Barja, como membro da xunta de goberno local e nas súas funcións de concelleiro delegado de política rural.
Unha decisión que adoptou o novo rexedor, o popular Andrés Montesinos, tras sentenza do Tribunal Supremo que declara que os concelleiros tránsfugas non poden asumir novos cargos e retribucións que "impliquen melloras persoais, políticas ou económicas". Montesinos chegou hai uns meses á alcaldía a través dunha moción de censura que apoiaron dous tránsfugas do PSdeG, que apartaron da alcaldía ao nacionalista Secundino Fernández Fernández.
"No BNG congratulámonos de que o Tribunal nos dea a razón e recoñeza o carácter antidemocrático e contrario a dereito dunha moción de censura que levou á alcaldía a un tránsfuga en contra da vontade da veciñanza de Viana do Bolo", apunta esta formación nun comunicado ao tempo que piden que os dous edís tránsfugas, Abelardo Carballo e Santiago Barja, "dimitan o antes posible".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.