O Goberno prohibirá os cortes de luz a persoas vulnerables aínda que non teñan bono social
Con anterioridade á prohibición do corte de subministración haberá unha avaliación previa dos servizos sociais.
Por E.P. | MADRID | 15/12/2020 | Actualizada ás 18:21
O Goberno prohibirá por lei os cortes de subministración a persoas vulnerables, mesmo aínda que estas non sexan beneficiarias do bono social, previa avaliación por parte dos servizos sociais.
"A vicepresidenta cuarta do Goberno pretende trasladar dentro dalgún dos decretos lei que se están tramitando, unha disposición adicional que garante que ningún consumidor vulnerable vai ter problemas co corte de subministración", precisou a ministra de Facenda e portavoz do Goberno, María Jesús Montero, este martes 15 de decembro na rolda de prensa posterior ao Consello de Ministros.
Ademais, puntualizou que as persoas que se beneficiarán desta prohibición do corte de subministración son os consumidores recoñecidos como vulnerables polos servizos sociais, "incluídos aqueles que non están acollidos ao bono social".
