Regresan os temporais a Galicia, en alerta por refachos de vento e choiva
Estímase que as precipitacións poderán deixar ata 15 litros por metro cadrado nunha hora.
Por E.P. | SANTIAGO DE COMPOSTELA | 16/12/2020 | Actualizada ás 10:10
Un total de cinco provincias do norte peninsular están este mércores 16 de decembro en risco por temporal marítimo, choivas e fortes refachos de vento nunha xornada na que as precipitacións predominarán en gran parte do país, segundo a Axencia Estatal de Meteoroloxía (AEMET).
A xornada deste mércores estará marcada polo temporal marítimo que terá lugar en Galicia e que deixará á Coruña e a Pontevedra en risco, con ondas que poderán alcanzar o catro metros de altura por ventos do sur ou suroeste de forza oito ou nove. O vento soprará especialmente forte na Coruña, Pontevedra, Asturias, Cantabria e Navarra, onde se poderán superar os 70-90 km/h ao estar estas provincias en risco baixo por este fenómeno. Ademais, as provincias da Coruña, Pontevedra e Ourense estarán en risco baixo por precipitacións que poderán deixar ata 15 litros por metro cadrado nunha hora ou un máximo de 60 litros por metro cadrado en doce horas.
