Por E.P. | SANTIAGO DE COMPOSTELA | 18/12/2020 | Actualizada ás 20:00
A Xunta de Galicia propuxo un Pacto Nacional pola Axenda 2030, que complete o Plan de Acción impulsado polo Goberno central, e que fixe os mecanismos e financiamento para cumprir esta folla de ruta a nivel nacional.
Así o trasladou a conselleira de Medio Ambiente, Territorio e Vivenda, Ángeles Vázquez, durante a súa intervención na reunión telemática da Conferencia Sectorial sobre a Axenda 2030, convocada pola Vicepresidencia Segunda do Goberno de España.
A representante galega incidiu na importancia de que haxa un "avance conxunto" de todo o país nesa folla de ruta e propuxo completar o Plan de Acción do Executivo cun Pacto Nacional "no que se fixar e clarifiquen os obxectivos e mecanismos necesarios que permitan o cumprimento desta folla de ruta universal e, sobre todo, o financiamento necesario para logralo en condicións de equidade en todo o país".
Por outra banda, a conselleira tamén reivindicou o traballo de Galicia nos últimos anos de face ao cumprimento dos Obxectivos de Desenvolvemento Sustentable (ODS), con accións desde o ano 2017, e adiantándose mesmo ao Plan de Acción estatal.
De feito, a Xunta presentou en novembro pasado o primeiro informe de diagnose sobre a aplicación dos ODS en Galicia, no marco dunha reunión da Comisión Interdepartamental creada na comunidade para o seguimento da Axenda 2030.
Grazas a esa diagnose, sinalaron desde o goberno galego, Galicia coñece o seu estado con respecto ao cumprimento deses obxectivos, e "pode identificar oportunidades de mellora" coa vista posta no futuro.
Precisamente, a conselleira apuntou que unha das dificultades coas que se atopa a Xunta é que a ONU "non fixa obxectivos concretos e cuantitativos a alcanzar na próxima década", por iso insistiu na necesidade de "buscar un consenso a nivel nacional" sobre "cal é o punto de partida" e "a cuantificación que se quere alcanzar no horizonte de 2030 para cada un dos indicadores de desenvolvemento sustentable.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.