Por Europa Press / Redacción | SANTIAGO DE COMPOSTELA | 25/12/2020 | Actualizada ás 18:10
O dispositivo da Garda Civil e a Policía Nacional para dar cumprimento coas medidas instauradas durante a Noiteboa en toda Galicia saldouse cun total de 170 propostas para sanción, menos dun 5 por cento das actuacións de vixilancia.
Diso informou este venres nun comunicado o delegado do Goberno en Galicia, Javier Losada, quen detallou que se realizaron durante o 24 un total de 782 controis que alcanzaron a 4.006 persoas: 1.792 identificadas pola Policía Nacional e outras 2.124 pola Garda Civil
En canto aos vehículos controlados, un total de 3.394, 1.180 correspondéronse coa Policía e 2.214 cos efectivos do Instituto Armado. Das 170 propostas de sanción polas diversas normativas contra a covid, a maioría (106) partiron da Garda Civil, mentres que o resto (64) da Policía.
Sobre esta cifra, que representa menos do 5 por cento do total de controis efectuados, Javier Losada volveu a agradecer o "alto grao de cumprimento e a responsabilidade mostrada" polos galegos.
No entanto, reiterou o chamamento para que a actitude da poboación continúe como ata agora, é dicir, con "especial coidado" nas reunións familiares, xa que a pandemia da covid-19 constitúe un "importante risco".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.