A covid tampouco respecta o Nadal e deixa catro novos falecidos
Dous morreron na Coruña, outra en Ferrol e outra en Vilagarcía de Arousa.
Por Europa Press / Redacción | SANTIAGO DE COMPOSTELA | 25/12/2020 | Actualizada ás 21:13
A Consellería de Sanidade notificou na tarde deste venres, día de Nadal, outras catro vítimas mortais da covid-19, polo que o total desde o inicio da pandemia elévase a 1.363.
En concreto, dous dos novos falecementos producíronse no Complexo Hospitalario Universitario da Coruña (Chuac): dous homes de 90 e 87 anos, respectivamente.
Ademais, o Hospital do Salnés, en Vilagaría de Arousa, notificou a morte dunha muller de 91 anos que estaba diagnosticada de covid-19. Finalmente, tamén o Complexo Hospitalario Universitario de Ferrol rexistrou este venres un falecemento, concretamente o dun home de 92 anos. Todas estas novas vítimas presentaban patoloxías previas, segundo confirmou Sanidade.
