O Xacobeo iluminará este martes edificios de Fisterra, Muxía e Santiago
Entre eles, o faro de Fisterra, o santuario Virxe da Baca ou as Torres Hejduk de Santiago.
Por E.P. | A CORUÑA | 28/12/2020 | Actualizada ás 14:05
O programa 'Acende o Xacobeo', que inclúe a iluminación de 93 monumentos singulares de toda España, iniciará o martes a terceira fase en Fisterra, Muxía e Santiago de Compostela.
En concreto, segundo informa a Delegación Territorial da Xunta na Coruña, iluminarase o faro de Fisterra, o santuario Virxe da Barca, de Muxía, e a igrexa de San Bieito do Campo, San Caetano, as Torres Hejduk e a Torre do Reloxo da Catedral, en Santiago.
En total, con esta última fase, participaron no proxecto 14 edificios emblemáticos da provincia da Coruña. Foron, explica a Delegación Territorial, "monumentos representativos das diferentes rutas do Camiño de Santiago que pasan pola provincia". A eles sumáronse outros 27 monumentos do resto de provincias galegas e 49 doutras 10 autonomías.
HOSPITALEROS VOLUNTARIOS
Por outra banda, os hospitaleros voluntarios da Federación Española de Asociacións de Amigos do Camiño de Santiago (FEAACS) celebraron virtualmente o 30 aniversario da súa fundación, de forma conxunta co Encontro Internacional Anual de Hospitaleros Voluntarios, coa participación de representantes de 19 países.
