Por E.P. | SANTIAGO DE COMPOSTELA | 28/12/2020 | Actualizada ás 18:05
A conselleira de Política Social, Fabiola García, comprometeuse ante o presidente da Federación Galega de Municipios e Provincias (Fegamp), Alberto Varela, a estudar a súa solicitude de máis fondos para custear o servizo de axuda no fogar ante a "asfixia" económica que sofren algúns concellos no actual contexto de crise sanitaria.
Así o dixo en declaracións a Europa Press ao termo dun encontro que durou ao redor dunha hora na sede da Xunta en San Caetano. Xunto a Varela, e despois de que este sinalase que a mesma petición da federación foi achegada ao Goberno central, a conselleira subliñou que este Executivo, o presidido por Pedro Sánchez, debe achegar máis para sufragar a lei de dependencia.
"AFOGADOS E SOBRECARGADOS"
"Trasladeille á conselleira o afogados que estamos os concellos galegos cun recurso que é fundamental para atender aos nosos maiores e aos nosos dependentes", sinalou. Este custo, segundo remarcou, está "sobrecargando" as arcas municipais e avisou de que vai significar que pequenos e medianos "non van ser capaces de facer fronte a esa situación".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.