Sanidade anuncia máis de 12.000 vacinacións por semana despois da chegada de máis doses
O departamento que dirixe García Comesaña declara que "se vai a bo ritmo, o festivo día 6 non se vacinará", aínda que se é necesario si que o fará.
Por Europa Press / Redacción | SANTIAGO DE COMPOSTELA | 04/01/2021 | Actualizada ás 17:26
A Consellería de Sanidade confirmou que está previsto administrar 12.200 vacinas cada semana, segundo informaron tras a chegada este luns dunha nova remesa, en concreto 18.500.
Sobre a campaña de vacinación que se está levando a cabo entre usuarios de residencias e traballadores destes centros, indicaron que o obxectivo é vacinar "todos os días".
En concreto, sobre o citado plan de vacinación, sinalou que está previsto que se administren "12.200 cada semana". "Reservando un terzo para garantir a segunda dose".
"Vacinar todos os días ata lograr o plan, que son esas 12.200" dixo sobre a previsión de vacinas a administrar cada semana de acordo coas previsións establecidas.
Así, apunta que "se vai a bo ritmo, o festivo día 6 non se vacinará", aínda que apostila que se é necesario si se fará. Por outra banda, destaca o desenvolvemento da campaña de vacinación nas distinas áreas sanitarias sen "incidencias destacables".
