O choque entre dous vehículos en Santiago dificulta a circulación no corredor de Brión
A Garda Civil de Tráfico confirmou aos xestores do 112 que fora habilitado un desvío alternativo por Galanas, para facilitar a circulación viaria.
Por E.P. | SANTIAGO DE COMPOSTELA | 05/01/2021 | Actualizada ás 10:19
O tráfico da AG-56 --corredor de Brión-- viuse afectado na tarde deste luns, ao seu paso pola parroquia compostelá de Laraño, por mor da colisión entre un turismo e unha furgoneta á altura do quilómetro 3. Afortunadamente, non houbo que lamentar danos persoais.
Segundo a información facilitada ao 112 Galicia polas testemuñas do sinistro, a vía quedou parcialmente ocupada polos vehículos sinistrados e por restos de material diverso que dificultaban o tránsito nese tramo.
De feito, os axentes da Garda Civil de Tráfico confirmaron aos xestores do 112 que fora habilitado un desvío alternativo por Galanas, co fin de favorecer a fluidez da circulación viaria.
Os feitos sucederon preto das 20,00 horas. Ata a zona, ademais da Garda Civil, foron mobilizados efectivos de Protección Civil de Ames e de mantemento de estradas, así como persoal sanitario do 061, aínda que, finalmente, non foi necesaria a súa intervención. O tráfico foi restablecido sobre as 22,00 horas.
