Algúns expertos recomendan non vacinar a mulleres embarazadas
Din que non é recomendable nos primeiros tres meses do embarazo e apostan polo uso doutras alternativas.
Por Galicia Confidencial | Compostela | 11/01/2021 | Actualizada ás 21:25
A Organización Mundial da Saúde (OMS), as mulleres embarazadas son un grupo prioritario para a vacinación contra a gripe, independentemente da etapa do seu embarazo. Con todo, algúns estudos recentes cuestionan a idoneidade e eficacia desta medida que, segundo o equipo de investigación da clínica Margen de Granada, liderada polo doutor Jan Tesarik e a doutora Raquel Mendoza-Tesarik, "apóiase en criterios xa superados e sen rigor estatístico relevante".
Nun artigo recentemente publicado na revista Melatonin Research, estes científicos analizan varias meta-análises e sinalan que "as vacinacións efectuadas no segundo e o terceiro trimestre do embarazo non produciron ningún efecto positivo significativo sobre a saúde da nai e do neonato, e as tendencias (non significativas) foron máis ben negativas". Entre estes efectos negativos destaca unha reacción inflamatoria á vacina superior á doutros grupos de persoas. "En canto á vacinación no primeiro trimestre, os resultados foron claramente negativos, mostrando un risco elevado do dano cerebral do futuro neno", indican.
Segundo os estudos, sobre todo "hai que desaconsellar a vacinación no primeiro trimestre do embarazo". En canto á vacinación no segundo e o terceiro trimestre, os médicos terían que, polo menos, informar as pacientes das dúbidas sobre a súa eficacia. "É evidente que as recomendacións da OMS, aínda en vigor, necesitan unha revisión urxente", sinala o doutor Tesarik.
MELATONINA
Estes mesmos expertos recomendan, como alternativa á vacina contra a gripe, alternativas como a melatonina. Aínda que non se coñecen realmente os seus efectos contra a COVID-19, este experto recomenda tamén o seu uso.
"Xa sabiamos que a melatonina protexe contra a COVID-19, pero o seu efecto protector contra a gripe é novo. Tendo en conta o efecto beneficioso xeneral da melatonina sobre diferentes funcións do organismo humano, o seu uso é recomendable non só nas mulleres xa embarazadas senón tamén nas que queren estalo proximamente", destaca Tesarik.
