Por Europa Press / Redacción | Santiago de Compostela | 11/01/2021 | Actualizada ás 18:26
A Consellería de Sanidade incorporou a Plataforma 'Telea' no seguimento dos contactos estreitos de positivos en covid-19, que poderán agora completar a enquisa diaria a través desta ferramenta tecnolóxica de asistencia domiciliaria.
Este departamento da Xunta explica que o médico e o persoal de enfermaría de Atención Primaria teñen acceso a esta información.
Segundo Sanidade, trátase dunha ferramenta máis de cara a frear a propagación do covid-19, polo que anima a aqueles cidadáns que sexan coñecedores de ser contacto estreito dun caso positivo polo virus a que accedan á aplicación para deixar os seus datos a través da resposta a un cuestionario.
Ademais, na procura activa de positivos covid asintomáticos, a Xunta lembra que os estudantes que regresen ás aulas desde o seu lugar de orixe, poden inscribirse no rexistro de viaxeiros para ser citados a realizar unha proba diagnóstica.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.