Por Europa Press / Redacción | SANTIAGO DE COMPOSTELA | 13/01/2021 | Actualizada ás 16:55
O grupo municipal do Partido Popular en Pontevedra cargou este mércores contra o "amiguismo" que, ao seu xuízo, existe no Concello pontevedrés, con contratos menores "a dedo, fóra de todo concurso público" nos que se "ven agraciados" persoas afíns ao BNG.
Os concelleiros populares Rafa Domínguez e Gerardo Pérez Puga foron os que compareceron en rolda de prensa para falar desta cuestión e para advertir de que os populares non "permitirán" que "o diñeiro de todos o utilicen os nacionalistas para favorecer aos seus".
O primeiro dos contratos denunciados polo PP é con Galiza Nova, "consistente en inserir publicidade na súa revista por un valor de 500 euros". O segundo, coa fundación Galiza Sempre, de "5.000 euros para a revista dun festival que se realiza en Santiago de Compostela". "Non se pode entender que se use o diñeiro dos pontevedreses para financiar unha rama política dun partido", dixo o popular Rafa Domínguez.
O portavoz do grupo municipal do PP tamén sinalou a "relación íntima entre o Concello e Sermos Galiza, revista da que foi xerente a concelleira Anabel Gulías". En concreto, asegurou que o concello está subscrito a 25 números desta publicación, "cun custo de 7.200 euros ao ano". "A maiores, a Sermos encargóuselle un curso de galego que lle custou aos pontevedreses 12.705 euros", declarou Domínguez.
Domínguez tamén citou unha serie de diferentes "contratos a familiares e concelleiros" durante as festas da Peregrina. "Contratouse ao grupo no que canta o compañeiro da portavoz do BNG, ao grupo onde canta o irmán do Alcalde, Onte e Hoxe, e o grupo onde toca a gaita o propio concelleiro nacionalista Xaquín Moreda", ha ejemplificado.
Para o PP resulta "bochornosa a actitude que ten o BNG co diñeiro dos pontevedreses" e criticou a "falta de ética" por parte do alcalde, Miguel Anxo Fernández Lores "á hora de usar o diñeiro" público. "O problema destes contratos, non é a contía en si: é a ausencia de ética e moralidade á hora do uso do diñeiro público", destacou Domínguez.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.