A Xunta defende unha "ferramenta legal" para forzar a vacinarse

Galicia vacinou para facer fronte ao coronavirus, desde o 27 de decembro de 2020, a 33.351 persoas que están relacionadas con 525 residencias (das 556 que hai na comunidade), mentres que o luns recibirían as inxeccións 20.000 profesionais que traballan en primeira liña de exposición ao covid-19 --de centros públicos e privados--. Nos centros residenciais (vacinouse en todos salvo nos que había algún brote da infección, o 94%), administrouse a vacina a 19.451 maiores e outras 13.900 doses entre o persoal sociosanitario.

Desta forma, a primeira fase da vacinación estará culminada a principios da semana que vén. De feito, o domingo día 17, iníciase a segunda parte para a segunda dose dos pacientes que xa recibiron a primeira, a primeira, Nieves Cabo (da residencia Porta do Camiño de Santiago de Compostela).

Con estes datos, tal e como avanzou o presidente da Xunta, Alberto Núñez Feijóo este xoves, a Comunidade galega ten previsto culminar a inmunización dos colectivos prioritarios --residentes, profesionais sociosanitarios e profesionais sanitarios que se sitúan na primeira liña-- a mediados de febreiro, tras fornecer as segundas doses a todos estes colectivos.

A directora xeral de Saúde Pública, Carmen Durán Parrondo, detallou estes datos nunha comparecencia a petición propia no Parlamento de Galicia, na Comisión de Sanidade, na que tivo palabras de agradecemento e alento para todos os profesionais e poboación, pero especialmente para o corpo de "elite" conformado por 200 profesionais de enfermaría que se dedican en "exclusiva" á vacinación contra a covid-19.

"FERRAMENTA LEGAL" PARA FORZAR VACINACIÓN

Ademais, subliñou que é "obrigación" de toda a cidadanía inmunizarse coa vacinación contra a covid-19 por responsabilidade, pero advertiu de que "é dobre obrigación de todos os que exercen a sanidade", xa sexa en Galicia ou fóra.

"E debería ser unha obrigación moral, ética e deontolóxica (dos profesionais sanitarios). E permítanme que aí o deixe", dixo, con rotundidade, na súa comparecencia a petición propia para explicar o plan de vacinación na Comisión de Sanidade do Parlamento de Galicia.

É máis, e tras indicar que de momento non é posible concretar os datos de profesionais sanitarios que foron vacinados e os que rexeitaron facelo, posto que hai unha "gran afectación" --por atoparse, por exemplo de vacacións--, defendeu que exista unha "ferramenta legal" que obrigue á vacinación.

Sen entrar na covid, referiuse a outra enfermidade como a tuberculose. Neste sentido, ha ejemplificado que "a ninguén se lle pasaría pola cabeza" que un médico con esta enfermidade activa "entrase a operar" a un quirófano a un paciente. "Non é unha decisión libre, é unha decisión que pode facer que o que está á beira caia enfermo ou chegue a morrer", salientou na última quenda, no que indicou que debe ser unha "obrigación" de seu, pero ademais hai que "ter unha ferramenta legal".

"Non quero abundar máis neste tema porque é bastante espiñento", sinalou Carmen Durán Parrondo, quen indicou que sería "moi imprudente" falar neste momento do rexeitamento de vacinación, "polo menos ata que conclúa o mes de febreiro", pero quen matizou que "están a ser francamente contidos", en todo caso.