Por E.P. | SANTIAGO DE COMPOSTELA | 18/01/2021 | Actualizada ás 18:19
A Asociación de Actores e Actrices de Galicia (AAAG) pospón a convocatoria dos premios de teatro María Casares, que neste 2021 alcanzan a súa 25 edición. A entidade organizadora dos galardóns de teatro desde a súa creación en 1997 toma esta decisión tras informar á súa asemblea "e ante a incerta perspectiva de poder desenvolver con garantías o normal funcionamento do certame".
"A evolución epidemiolóxica, as restricións sanitarias respecto da mobilidade e aforamentos, as suspensións e adiamentos que alteraron a programación teatral de 2020 e que, presumiblemente, seguirán afectando neste 2021 dificultan, por unha banda, que o censo de votantes dos galardóns poida acceder aos espectáculos estreados en 2020 para emitir o seu voto".
"E, por outra, imposibilitan a preparación dunha gala que neste ano tampouco se celebrará nas datas próximas ao 27 de marzo, Día Mundial do Teatro", engade. Por este motivo, e tal e como sucedeu en 2020, posponse os premios para unha nova data.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.