Por Europa Press / Redacción | A CORUÑA | 19/01/2021 | Actualizada ás 12:19
O Concello de Sada pechou parques infantís, pistas polideportivas e zonas de esparexemento público, ademais de suspender o feirón e a programación cultural. Segundo informa, as medidas teñen efecto desde este martes "e serán complementarias coas anunciadas pola Xunta de Galicia para o concello en nivel máximo", nivel no que o comite clínico decidiu incluír a este municipio.
Por outra banda, informa que se realizarán labores de desinfección nas zonas de paso de transeúntes como paradas de autobús e marquesiñas, accesos aos centros educativos, edificios públicos e zonas de alta concorrencia.
Desde o Concello de Sada solicítase á cidadanía limitar a vida social nos próximos días e insístese na "prudencia e sentido común" nas saídas estritamente necesarias que se poidan producir.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.