Polémica polo peche de mercados labregos: "son máis seguros que os supermercados"

O Sindicato Labrego Galego anuncia mobilizacións contra un peche decretado coa "excusa" da covid. "Estase forzando a persoas que facían a compra en mercados labregos a acudir aos supermercados", sosteñen.

Por Europa Press / Redacción | SANTIAGO DE COMPOSTELA | 19/01/2021 | Actualizada ás 12:24

Comparte esta noticia

O Sindicato Labrego Galego (SLG) prepara mobilizacións contra a prohibición de mercados agrícolas en varios municipios coa "escusa" do coronavirus. Nun comunicado, explica que, "a pesar de ser máis segura a compra neste tipo de feiras", "hai gobernos municipais que decretan o seu peche sen que exista ningunha orde oficial que obrigue a facelo".

Así, pon de exemplo que na última semana houbo varios concellos como Melide e Cambre que decretaron "unilateralmente" o seu peche. Dende o SLG cargan contra esta decisión porque, subliñan, "está demostrado que son máis seguras as actividades ao aire libre, onde habitualmente se celebran este tipo de feiras alimentarias" que os supermercados.

Mercado agrícola de Melide. SLG - Arquivo
Mercado agrícola de Melide. SLG - Arquivo | Fonte: Europa Press

O sindicato destaca, neste aspecto, que nos establecementos comerciais modernos "é imposible controlar" a manipulación dos produtos nos estantes, a diferenza do que ocorre nos postos agrícolas. Ademais, lamentan que "se está forzando a persoas que facían a compra en mercados labregos a acudir aos supermercados, incrementándose o aforamento destes e, por tanto, os riscos de contaxio por aglomeración".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta