Case mil contaxios máis que a semana pasada en centros galegos mentres os casos se elevan a 2.216
As cifras empeoraron día tras día cun ritmo de contaxios que vai crecendo a cada xornada.
- Feijóo rexeita o confinamento xeral e apoia que o toque de queda se fixe na "contorna das 20,00 horas"
- As autoridades sanitarias recoñecen que a positividade en Galicia está por encima do que admite a OMS
Por Europa Press / Redacción | SANTIAGO DE COMPOSTELA | 19/01/2021 | Actualizada ás 17:29
Os contaxios dispáranse no sistema educativo. Os centros galegos seguen encadeando cifras 'marca' de contaxios e este martes alcanzan os 2.106 casos confirmados de COVID-19 entre alumnos e persoal destas instalacións.
A pasada semana Galicia alcanzou e superou o pico de positivos en activo da segunda onda do mes de novembro, ata agora o máis elevado da pandemia. A pesar diso, as cifras empeoraron día tras día cun ritmo de contaxios que se vai acrecentando a cada xornada. O balance facilitado este martes polas autoridades sanitarias estima en 2.106 os casos activos nos centros, institutos e gardarías de Galicia.
Este dato implica non só un incremento de case 500 contaxios desde este sábado, senón unha diferenza de case milleiro no últimos sete días e que está preto de triplicar as cifras coas que se acabou o primeiro trimestre do curso. Estes máis de 2.000 positivos obrigan a manter pechadas polo menos catro escolas infantís no territorio e un total de 77 aulas nos centros, 22 máis que no parte publicado este sábado.
O último en sumarse foi a escola infantil municipal de Viveiro con tres positivos confirmados e que se suma ao momento de Atención á Infancia (PAI) de Riós, a escola infantil Pequenucos de Cuntis e á Unitaria da Pobra de Trives.
A CORUÑA, A MÁIS AFECTADA
Os centros da área da Coruña rexistran un incremento de máis dun centenar de positivos respecto o último balance, ata os 540, que levan a pechar unhas 16 aulas. Esta área rexistra, ademais, algúns dos casos máis graves de todo o territorio, como o IES Manuel Murguía con 23 positivos, ou o centro privado Plurilingüe Liceo A Paz con 17.
Tamén destacan os datos do CIFP Ánxel Casal-Monte Alto con 10 positivos, o centro privado A Grande Obra de Atocha e a Santa María del Mar con 12 ou o CEIP Ponte dos Brozos con 10, este último en Arteixo.
VIGO E SANTIAGO
A listaxe segue coa área de Vigo como a segunda zona de influencia con máis positivos en centros educativos (432 e 21 aulas pechadas). O CPR Plurilingüe Apóstolo Santiago con 9, o IES Mendiño de Redondela ou o IES Ribeira do Louro do Porriño, ambos con 8 casos, son os que contan con máis contagios.
Os centros da área de Santiago, pola súa banda, suman 371 positivos que obrigaron a clausurar 13 unidades e polo menos 1 gardaría, e entre eles destaca o centro privado A nosa Señora dos Remedios (11) e a situación da Compañía de María e o La Salle, ambos con nove.
Na área de Ourense, que suma 253 positivos e 10 aulas e 2 gardarías pechadas, o caso máis grave dáse no IES de Allariz, con 17 positivos, seguido do centro privado Santa Teresa de Jesús con 11 e o IES Cidade de Antioquía, de Xinzo da Limia, cunha decena de contaxios.
PONTEVEDRA, LUGO E FERROL
A maiores, a área de Pontevedra conta con 206 positivos e 8 aulas clausuradas, aínda que o tres centros máis afectados (o CEIP de Lourido de Poio, o CPR Sangrado Corazón de Jesús de Pontevedra ou o IES Castro Alobre, de Vilagarcía de Arousa) suman tan só sete casos.
Dentro da área de Lugo, que conta con 168 positivos (ademais de dúas aulas pechadas e unha gardaría), destaca a situación no municipio de Viveiro con 13 e 11 positivos, respectivamente, no IES María Sarmiento e o IES Vilar Ponte.
Finalmente, a área de Ferrol pecha de novo a listaxe con 136 positivos e 7 aulas. Os centros máis afectados son o CEIP Couceiro Freijomil de Pontedeume, con 10, e o IES Concepción Arenal con 9 contagios detectados.
