Por Europa Press / Redacción | Santiago de Compostela | 22/01/2021 | Actualizada ás 16:56
O sistema educativo galego volve tocar teito en número de casos de coronavirus ao experimentar un novo incremento de 167 positivos respecto das cifras do día anterior, o que eleva o total de contaxios a 2.628, marca no que vai de curso. Así mesmo, segundo figura no balance ofrecido polas autoridades sanitarias, son xa 114 as aulas en corentena, 11 máis que hai 24 horas.
Ademais, mantéñense pechadas debido aos contaxios rexistrados seis escolas infantís: as unitarias de Crecente e Forcarei, ambas as dúas na provincia de Pontevedra; o Punto de Atención á Infancia (PAI) de Riós (Ourense), Pequenucos de Cuntis, a E.I. municipal de Viveiro (Lugo) e á Unitaria da Pobra de Trives (Ourense).
A tendencia de incrementos no número de contaxios continúa en todas as áreas sanitarias, especialmente na Coruña, Vigo e Santiago, que suman máis do 60% de casos totais na comunidade educativa galega.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.