A visión da pandemia dende o CHUAC: "Estamos nun dos momentos máis difíciles"
O médico do servizo de Urxencias Manuel Ferreiro apelou ao cumprimento das normas para poder superar isto canto antes.
Por Europa Press / Redacción | A CORUÑA | 23/01/2021 | Actualizada ás 11:21
O médico do servizo de Urxencias do Complexo Hospitalario Universitario da Coruña (CHUAC) Manuel Ferreiro apelou ao cumprimento das normas "nun dos momentos máis difíciles da pandemia".
Nun audio difundido aos medios pola área sanitaria da Coruña, este facultativo sinala que os profesionais das Urxencias están a atravesar "un dos momentos máis duros da pandemia" tanto polo número de pacientes que chegan ao servizo como pola gravidade dos cadros clínicos que presentan.
"Sempre estamos aí para atendelos, pero o cumprimento das normas é fundamental para que, entre todos, superemos con éxito esta situación de extrema esixencia tanto para nós como para os nosos pacientes", subliña.
