Evacuados por precaución alumnos dun instituto de Santiago por un incendio
O lume iniciouse nunha caldeira e os docentes non foron quen de sufucalo cun extintor.
Por Europa Press / Redacción | SANTIAGO DE COMPOSTELA | 26/01/2021 | Actualizada ás 10:02
Os alumnos dos cursos de nocturno do Instituto de Fontiñas, en Santiago de Compostela, tiveron que abandonar por precaución as instalacións despois de declararse un incendio nunha caldeira este luns.
Así o informou o 112 Galicia, que relatou que foi o propio equipo docente quen, sobre as 20,00 horas deste luns, contactou co servizo de emerxencias para pedir axuda, xa que trataron sen éxito sufocar o incendio cun extintor.
Por iso, por parte do Centro Integrado de Atención ás Emerxencias de Galicia solicitouse a colaboración dos Bombeiros de Santiago para facerse cargo da extinción definitiva dun pequeno lume que se limitou a unha caldeira, indicaron as mesmas fontes.
