O festival 'Escenas do Cambio' busca nova data para a súa celebración pola covid

Así o comunicou a través dun comunicado a Cidade da Cultura de Galicia, que defendeu que este cambio débese ás limitacións sanitarias.

Por E.P. | SANTIAGO DE COMPOSTELA | 05/02/2021 | Actualizada ás 17:33

Comparte esta noticia

A Cidade da Cultura de Galicia aprazou ata o próximo mes de maio a celebración do festival Escenas do Cambio, previsto do 18 ao 21 de febreiro, debido ás limitacións sanitarias que afectan á organización dun evento internacional no que participan artistas e compañías procedentes de cinco países.

Co obxectivo de garantir que o festival poida celebrarse con todas as garantías de seguridade e nas mellores condicións para artistas e público, trabállase estreitamente coas compañías e artistas (procedentes de España, Portugal, Francia, Reino Unido e Xapón) para acordar as datas máis idóneas para esta sétima edición no próximo mes de maio.

A través dun comunicado, a Cidade da Cultura agradeceu a "colaboración e comprensión" mostrada por parte dos creadores participantes, así como ás institucións colaboradoras.

Museo De Galicia Da Cidade da Cultura. EUROPA PRESS - Arquivo
Museo De Galicia Da Cidade da Cultura. EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta