Por E.P. | SANTIAGO DE COMPOSTELA | 07/02/2021 | Actualizada ás 17:53
A Xunta de Galicia instou esta semana o Goberno central a incorporar á lexislación estatal un límite de tres meses como prazo máximo para emitir os informes que sexan da súa competencia.
Así o defendeu a directora xeral de Ordenación do Territorio e Urbanismo, Encarnación Rivas, durante a Comisión Multilateral de Urbanismo, Ordenación do territorio e Arquitectura convocada telematicamente polo Ministerio de Transportes, Mobilidade e Axenda Urbana.
Nesta reunión, segundo informa a Xunta, a directora xeral referiuse a a "necesidade urxente" de avanzar na "axilización" dos trámites urbanísticos, xa que os atrasos á hora de emitir informes sectoriais ten "repercusións sobre os prazos" dos procedementos.
Por iso, solicitou que se incorpore á normativa correspondente un límite temporal de tres meses, de modo que teña efectos positivos en caso de silencio por parte da Administración. Neste sentido, Rivas lembrou que a Xunta incorporou esta medida a través da lei galega do solo do 2016, o cal permitiu "unha axilización real e notoria" nos trámites urbanísticos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.