The Daily Telegraph apunta un novo destino favorito dos británicos en Galicia: adiviñas cal é?

Cando aínda está por ver se o verán deste 2021 será igual que o do ano pasado, nas latitudes máis nórdicas xa prepara a próxima escapada a territorio galego. O diario londinese The Daily Telegraph vén de publicar unha completa guía --repleta de imaxes soleadas e area branca-- para orientar os británicos nas súas próximas vacacións en España. E a destinación estrela podería estar en Galicia. 

A Costa da Morte sería o espazo máis celebrado polos turistas británicos para as próximas vacacións de verán. O diario londinense vén de aplaudir as virtudes desta liña costeira de Galicia, cualificándoa como unha das "menos coñecidas" do Estado. No especial publicado celebran a apertura dun "impresionante" hotel que os fai situar a Costa da Morte no punto de mira da vindeira escapada ao sur.