Localizan en Teixeiro o cadáver dun exmilitar de León que levaba varios meses morto
Levaba residindo nesta localidade desde había máis de 15 anos.
Por Europa Press / Redacción | SANTIAGO DE COMPOSTELA | 08/02/2021 | Actualizada ás 14:12
Un home de 77 anos foi localizado morto nun piso no que vivía en aluguer na localidade coruñesa de Teixeiro. Fontes coñecedoras da investigación trasladaron a Europa Press que o home levaba varios meses morto e, a falta do que determine a autopsia, o corpo non evidenciaba signos de violencia.
O falecido, segundo fontes municipais consultadas por Europa Press, era un exmilitar procedente de León que levaba vivindo na localidade desde hai máis de 15 anos.
Foi a propietaria da vivenda na que residía a que deu a voz de alarma, posto que levaba cinco meses sen pagar o aluguer e "era cumpridor". Os veciños levaban tamén tempo sen verlle e o seu vehículo sen moverse do garaxe. O corpo foi trasladado ao Imelga para a autopsia e Servizos Sociais do Consistorio colaborará no que sexa necesario para tratar de localizar a algún familiar do falecido.
Efectivos da Garda Civil, da Policía Xudicial e dos Bombeiros de Betanzos, que interviñeron para acceder á vivenda, así como un médico forense, participaron este domingo no levantamento do cadáver.
