Copasa, Puentes e Ogmios: as grandes construtoras que executarán a reforma do Hospital de Montecelo

O centro pasará dos 79.500 metros cadrados aos 118.000 metros cadrados.

Por E.P. | PONTEVEDRA | 08/02/2021 | Actualizada ás 15:29

Comparte esta noticia

A unión temporal das empresas Puentes, Copasa e Ogmios foi a adxudicataria do contrato para a fase 1 de ampliación e reforma do Hospital de Montecelo, en Pontevedra. Esta primeira etapa, que comprende a construción dun novo edificio de dez plantas, saíu a licitación en decembro de 2020 por case 130 millóns de euros cun prazo de execución de 42 meses. Aínda que o período de realización mantense, o proxecto foi adxudicado finalmente por uns 121,87 millóns de euros.

Segundo a acta de proposta de adxudicación, foi a unión do tres empresas galegas a que alcanzou "unha maior puntuación, tanto económica como técnica", aínda que a Axencia Galega de Infraestruturas, encargada do proceso, subliñou que "ningún dos licitadores incorreu en valores anormais ou desproporcionados".

Coa construción do novo edificio e a remodelación das actuais instalacións, a superficie para uso sanitario do que se acuñará como 'Gran Montecelo' pasará dos 79.500 metros cadrados -sumando as dimensións do Hospital Provincial aos 118.000 metros cadrados.

Así, haberá un 92% máis de espazo nos box de urxencias, aumentarán nun 57% as habitacións individuais e o número de camas ascenderá a 720 fronte ás 600 actuais. Outra das novidades é a dotación dun aparcadoiro en superficie na parte posterior da edificación, con capacidade para 400 vehículos, e outro adicional a distintas alturas con outras 1.000 prazas.

Proxecto do hospital Gran Montecelo. XUNTA
Proxecto do hospital Gran Montecelo. XUNTA

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta