Por Europa Press / Redacción | Santiago de Compostela | 10/02/2021 | Actualizada ás 16:30
A Consellería de Sanidade analiza as declaracións do xefe de sección de Alergoloxía do Complexo Hospitalario Universitario de Ourense (CHUO), Carlos González de la Cuesta, contra a vacina da Covid-19 "por se puidesen ser constitutivas de abrir un expediente informativo".
Así o explicou este mércores o conselleiro de Sanidade, Julio García Comesaña, en relación ás críticas deste profesional que difundiu un vídeo no que, tras identificarse como médico, rexeita a "vacinación obrigatoria" e tacha de "experimento xenético" a vacina.
En relación a estas declaracións do xefe de sección de Alergoloxía do CHUO Comesaña afirmou que "preocupan profundamente este tipo de discursos que poden facer dubidar á poboación da conveniencia de vacinarse contra a Covid-19".
"A vacinación é agora mesmo una das nosas fundamentais ferramentas e calquera indicio de dúbida sobre a importancia desta ferramenta preocúpanos profundamente", puntualizou o titular de Sanidade.
Con todo, puntualizou que se trata de "declaracións feitas no ámbito privado e facendo uso da súa liberdade de expresión". "No entanto, desde a Consellería de Sanidade estamos a analizar estas declaracións por se puidesen ser constitutivas de abrir un expediente informativo", concluíu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.