Alu Ibérica despide por "causas disciplinarias" o presidente do comité de empresa e outros tres traballadores

A empresa fala de "agresións cometidas contra outros compañeiros o pasado 17 de decembro na planta da Coruña".

Por Europa Press / Redacción | A Coruña | 11/02/2021 | Actualizada ás 17:46

Comparte esta noticia

Alu Ibérica comunicou este xoves o cesamento por "causas disciplinarias" a catro traballadores aos que vincula con "agresións cometidas contra outros compañeiros o pasado 17 de decembro na planta da Coruña".

Protesta de traballadores de Alu Ibérica na Coruña
Protesta de traballadores de Alu Ibérica na Coruña | Fonte: Comité de empresa.

En concreto, tras o despedimento dunha compañeira, desde o comité recoñeceuse que houbo momentos de tensión, pero negaron calquera acción violenta e convocaron unha folga días despois para esixir a readmisión desta traballadora, un paro que deixaron en suspenso recentemente polo contexto de pandemia, segundo explicaron.

A empresa, tras abrir expedientes sancionadores contraditorios "a catro empregados identificados" no que cualifica como un "ataque violento", informa de que comunicou o cesamento por causas disciplinarias ao presidente do comité de empresa, Juan Carlos López Corbacho, a outros dous membros do comité e un delegado sindical.

"Agora, despois de recibirse e ter analizado as alegacións dos expedientados e tras terse cumprido os prazos legais, a dirección da empresa e o equipo xurídico determinaron que os feitos son moi graves e, por tanto, susceptibles de despedimento disciplinario, tal e como se recolle no convenio colectivo e no Estatuto dos Traballadores".

Por outra banda, explica que "seguen abertos os procedementos penais iniciados por mor dos ataques", afirma en relación a denuncias por parte de "persoas agredidas como a propia empresa".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta