Por Europa Press / Redacción | A CORUÑA | 12/02/2021 | Actualizada ás 17:52
Traballadoras e traballadores do sector da limpeza na provincia da Coruña realizaron unha acción reivindicativa polas rúas da cidade herculina para denunciar "recortes de dereitos" e reclamar "un convenio digno e con melloras salariais".
A protesta consistiu nunha marcha a pé desde Catro Camiños ata a praza de María Pita, pasando por diante dalgúns dos principais clientes das empresas de limpeza, como as entidades bancarias e outras compañías.
Para darlle máis visibilidade á protesta, o persoal vestiu a roupa de traballo e portou os equipos e útiles de limpeza ao berro de "Non hai Disiclín, que pare este motín" ou "convenio da limpeza, solución", ataviándose ademais con elementos propios do entroido e animando a marcha a ritmo de samba e sirenas.
A mobilización enmárcase nas accións de protesta de CIG, CCOO e UGT contra o que cualifican como unha "tomadura de pelo" polas propostas da patronal para o convenio, "xa que pretenden eliminar dereitos consolidados como a xubilación parcial".
CONDONACIÓN DA DÉBEDA AO PORTO
Por outra banda, as seis administracións convocadas á reunión promovida polo consistorio coruñés para abordar o futuro dos peiraos confirmaron a súa asistencia, segundo trasladou a alcaldesa da Coruña, Inés Rey, que argumentou, por outra banda, que o goberno local defendeu "desde o primeiro momento" a condonación da débeda ao porto.
Por outra banda, apelou a retomar a senda do diálogo para abrir os peiraos interiores á cidadanía, polo traslado de actividade ao porto exterior, a través dun proxecto "emblemático e consensuado".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.