Por Europa Press / Redacción | SANTIAGO DE COMPOSTELA | 15/02/2021 | Actualizada ás 16:50
O Diario Oficial de Galicia publica este luns a convocatoria ordinaria e a apertura do prazo para solicitar a valoración previa para o recoñecemento e asignación do complementos salariais por labor docente e investigadora no sistema universitario galego. Unha resolución que deixa fóra ao axudante doutor, o docente colaborador, o asociado e o contratado interino de substitución
A resolución non gustou aos representantes sindicais do profesorado universitario, posto que a convocatoria deixa fóra a boa parte das figuras laborais presentes nos cadros de persoal e, con iso, á maioría de docentes que exercen nas institucións académicas.
O texto publicado polo Goberno galego limita a convocatoria ao persoal docente e investigador funcionario e contratado doutor, tanto de carácter fixo como temporal, das tres universidades públicas que existen en Galicia. O prazo para presentar as solicitudes será de 20 días hábiles contados desde este martes.
A convocatoria refírese ao 'Decreto 55/2004' para xustificar este parámetro e engade que a normativa indica que "a praza do solicitante debe ser fixa e estable, superando o correspondente proceso de concurso-oposición establecido na lei".
Con todo, engade a resolución, a última xurisprudencia do Tribunal de Xustiza da Unión Europea "prohibe o tratamento diferenciado nas condicións de traballo das persoas que teñan un contrato de duración determinada e das fixas comparables, a menos que se xustifique por razóns obxectivas".
Fontes de CIG e de CC.OO., consultadas por Europa Press, matizaron que esta modificación "non cambia nada", posto que se deixa a fóra a unha parte importante do colectivo docente e que en moitos casos "exerce as mesmas funcións" que os profesores titulares.
REALIZAN "As MESMAS FUNCIÓNS"
Suso Bermello, secretario nacional de CIG-Ensino, lembrou que o sindicato ten recorrida a "avaliación de méritos" e reclamou que se recoñeza este dereito "con independencia da súa figura contractual", sempre que cumpra os requisitos.
A convocatoria actual deixa fóra a "moitas figuras" presentes nos cadros de persoal, como é o caso do profesor axudante doutor, o docente colaborador, o asociado e o contratado interino de substitución, que é "a maioría".
Desde CC.OO., pola súa banda, reiteran o seu rexeitamento aos termos da convocatoria para as avaliacións, que deixa fóra ao resto de categorías de PDI que non son permanentes. Así, lamentan que a convocatoria impide optar á avaliación de médicos a efectivos "moi competitivos" e "de reconocidísima traxectoria" que están contratados por programas, como os Ramón e Cajal no caso da parte de investigación.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.