Por Europa Press / Redacción | SANTIAGO DE COMPOSTELA | 16/02/2021 | Actualizada ás 11:55
Os cinemas, teatros, auditorios, congresos e outras actividades similares poderán retomar a súa actividade en Galicia a partir deste mércores, pero deberán levar un rexistro de asistentes con información de contacto de cada un deles para, no caso de que apareza un brote de covid, polo a disposición das autoridades sanitarias.
Así o establece a orde da Consellería de Sanidade publicada no Diario Oficial de Galicia (DOG) a última hora do luns, mesmo día en que o comité clínico que asesora á Xunta durante a pandemia da covid acordou o inicio da desescalada en actividades culturais, deportivas e o comercio, entre outros sectores.
En concreto, o texto publicado no DOG permite a reapertura de cinemas, teatros, auditorios, congresos e similares, así como recintos ao aire libre para espectáculos públicos e actividades recreativas, pero cun máximo do 30% do aforamento permitido, que non deberá superar as 250 persoas en espazos pechados e os 500 en abertos.
Ademais, a orde de Sanidade recolle a novidade de que estes recintos deberán manter un rexistro de asistentes cos seus teléfonos de contacto, que custodiarán "durante un mes" tras o evento que se trate e sempre "cumprindo coas normas de protección de datos de carácter persoal".
PLANIFICACIÓN DE ACCESOS E VENTILACIÓN
As persoas que acudan ao espectáculo terán que permanecer sentadas, manter a distancia de 1,5 metros --salvo que sexan convivintes-- e levar máscara en todo momento. Así, coa finalidade de evitar aglomeracións, a distribución das butacas será "homoxénea" e haberá unha planificación "adecuada" para controlar os accesos e a circulación dos asistentes.
En canto a congresos, encontros e actos similares nos que os asistentes non permanezan sentados en todo momento, terán que contar coa autorización á Dirección Xeral de Saúde Pública, á que haberá que comunicar a data, as actividades a realizar e as medidas organizativas e de seguridade sanitaria. De feito, os titulares ou promotores, sexan públicos ou privados, terán que achegar un plan de prevención de contagios.
BIBLIOTECAS, MUSEOS E ARQUIVOS
Así mesmo, a desescalada que arrinca este mércores tamén permitirá a reapertura de bibliotecas, arquivos, museos, salas de exposicións, monumentos e outras instalacións culturais, nas que o aforamento tamén estará limitado ao 30%.
Nas actividades que se realicen por grupos, estes serán de ata catro persoas --sen contar o monitor ou guía-- e entre aquelas que non sexan convivientes deberá haber a preceptiva distancia de seguridade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.