A exdelegada da Xunta en Pontevedra cesa como vogal no consello de administración do Porto de Marín

María Luisa Piñeiro Arcos, exalcaldesa de Moraña e exdelegada da Xunta en Pontevedra, cesou como vogal do Consello de Administración da Autoridade Portuaria de Marín e Ría de Pontevedra, segundo publica este mércores o Diario Oficial de Galicia.

María Luisa Piñeiro dimitiu como delegada da Xunta a principios deste mes, despois de transcender o fallo que a condenaba, do mesmo xeito que ao expresidente da Deputación de Pontevedra e actual presidente da Federación Galega de Fútbol, Rafael Louzán, a dous anos de cárcere e oito de inhabilitación.

O fallo xudicial considera probado que cometeron prevaricación e fraude en relación a unhas obras do campo de fútbol de Moraña. Este mércores o DOG publica a orde que ratifica o cesamento "a petición propia" de María Luisa Piñeiro como vogal do consello de administración do Porto de Marín "agradecéndolle os servizos prestados". A orde a firma a conselleira do Mar, Rosa Quintana.

A ata agora delegada territorial da Xunta en Pontevedra, Luisa Piñeiro, tras a rolda de prensa na que presentou a súa renuncia ao cargo, na sede provincial do PP en Pontevedra.. Beatriz Ciscar - Europa Press | Fonte: Europa Press