Por E.P. | SANTIAGO DE COMPOSTELA | 17/02/2021 | Actualizada ás 14:14
Os sistemas de control e observación de Augas de Galicia indican que o Río Mero superou os limiares establecidos ao seu paso pola Telva, no municipio coruñés de Cambre, polo que se atopa baixo observación.
Así o informou o 112, que explicou que debido a esta situación, a Xunta de Galicia mantén activo o Plan Inungal ante a posibilidade de que, como no Mero, poidan producirse desbordamentos.
Deste xeito, continua a vixilancia sobre os ríos en todas as concas galegas que, a consecuencia da situación meteorolóxica, "poden experimentar aumentos considerables dos seus caudais e provocar avenidas puntuais", avisa o 112. Actualmente, obsérvase o Río Mero, na Telva, pois xa superou os seus limiares e pode desbordarse.
Co fin de adoptar as medidas de protección necesarias, o persoal do 112 Galicia informou aos servizos de emerxencias da zona.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.