O enoturismo en Galicia a debate en Chantada
A Asociación Galega de Viticultura presenta unha Xornada de Análise e Debate sobre Enoturismo e Desenvolvemento Sostible que, baixo o Epígrafe de "Xornadas Técnicas de Viticultura", é parte dun ciclo que, durante o mes de agosto, ten continuidade en Monterrei, A Rúa de Valdeorras e a Pobra do Caramiñal.
Por GC Tendencias | Chantada | 07/08/2013 | Actualizada ás 20:39
Estas Xornadas abordarán as produccións como un todo global e holístico, contrapunto, segundo a organización, da excesiva fragmentación que os ciclos económicos impoñen.
O desenvolvemento sostible xurde como concepto teórico nos anos 90, palabras que soaban ben na percepción intranquila dunha crise ecolóxica que sumou logo unha crise económica e tamén social, se callar a mesma crise con diferentes nomes. As Denominacións de Orixe puxeron as produccións autóctonas en destaque, mais que hai detrás dunha botellas de viño ou unha peza de queixo?.. ou que hai detras dun establecemento de turismo rural?
Na organización deste evento colaboran a Federación Rural Galega (FRUGA), Rede Galega de Empresas e Adega Esther Teijeiro. A xornada ten axuda económica do Ministerio de Agricultura, Alimentación e Medio Ambiente, FEADER (Europa inviste no Rural) e a Consellería do Medio Rural e do Mar Xunta de Galicia.
Este é o programa completo:
Sábado día 10 de agosto
Lugar: Adegas Esther Teixeiro
Pincelo - A Sariña - Chantada - Lugo
3 mesas de análise e debate:
10:30 Historia do enoturismo: exemplos de alá e acá
Xosé Manuel González Vilas (Asociación Galega de Viticultura)
11:30 A épica das adegas da Ribeira Sacra
Suso Verao: Viticultor da Subzona de Amandi
Rubén Moure: Enólogo na Subzona de Ribeiras do Miño
Roberto Regal: Enólogo e elaborador na Subzona de Chantada
12:30 O valor da terra: ecoloxía, turismo, paisaxe e patrimonio
Fernando Álvarez: Elaborador e Gandeiro da explotación da Ladeira da Mata na SuBzona de Quiroga-Bibei
Esther Teijeiro: Viticultora e elaboradora de viños ecolóxicos na Subzona de Chantada
Francisco Xabier Almuiña da Casa do Romualdo en Taboada na Subzona de Chantada
Un-unha membro d'O Sorriso de Daniel na Subzona de Ribeiras do Sil (Asociación galega para a divulgación e recuperación do noso patrimonio románico)
13:30 Coloquio
14:00 Seguindo cunha copa de viño na man
